Гурт IQ48 прадстаўляе ў новым туры на ТГ песьню «Вясна-красна» з свайго новага альбома «Героі», які днямі зьявіўся ў дыскарнях. «На стварэньне гэтай песьні паўплывалі падзеі Вясны-2006. Захацелася напісаць нечага пазытыўнага», — кажа адзін з аўтараў твору Яўген Бузоўскі. «Сымбалічна, што мы прэзэнтуем песьню пра вясну зь першым зімовым сьнегам. Трывайце, людзі! Хутка вясна!» — кажуць «здаровыя лосі».

«Пра такія песьні, як нашая „Вясна“, кажуць „за жыцьцё“. Сапраўды, яна атрымалася душэўнай і, што самае галоўнае, аптымістычнай», — кажа гітарыст IQ48 Яўген Бузоўскі. Зь яго словаў, на стварэньне гэтай песьні паўплывалі падзеі Вясны-2006: «Захацелася напісаць нечага пазытыўнага, таму крышачку палітычнага падтэксту тут угледзіць можна». Музыкі з IQ48 у адзін голас ставяць песьню «Вясна-красна» ў тройку лепшых з свайго рэпэртуару.

«Вясна» ўвайшла ў новы альбом гурта «Героі!», рэліз якога адбыўся на лэйбле West Records 17 лістапада. Жывая прэзэнтацыя дыску адбудзецца 12 сьнежня ў менскім клюбе Night Star.
 

ГАЛАСУЙЦЕ ШТОДЗЁННА НА www.music.fromby.net